Aksidentohet autobusi në Gjermani, ka edhe të vdekur

Një person ka ndërruar jetë, derisa mbi 60 të tjerë janë lënduar, midis të cilëve shtatë vetë kanë pësuar lëndime të rënda, në aksident kur një autobus u rrokullis në afërsi të Lajpcigut, në lindje të Gjermanisë, ka njoftuar policia gjermane.

Aksidenti tragjik ka ndodhur mbrëmë në autostradën A9 në afërsi të Lajpcigut, deri tani nuk janë konfirmuar shkaqet, ka njoftuar zëdhënësi i policisë, shkruan AlsatM, përcjell Albinfo.ch.

Në fotografitë e filmuara mund të shihet se autobusi, i cili është rrokullisur, ka tejkaluar edhe rrethojat e autostradës.

Të lënduarit janë evakuuar me ndihmën e helikopterit.

Brenda autobusit kishte 74 udhëtarët, që ishin nisur nga Berlini për në Munih.