MPJ: Nuk ka pasur kërkesë tjetër nga Gjuriqi për hyrje në Kosovë

Gjatë ditës së sotme mediat shqiptare kanë raportuar se Shefi i Zyrës së Qeverisë Serbe në Kosovë, Marko Gjuriq, ka deklaruar në mediat serbe se Kosova prapë nuk i ka lejuar hyrjen në Kosovë.

Kësaj radhe, sipas raportimeve të mediave shqiptare, Gjuriq ka deklaruar se ka kërkuar të hyjë në Kosovë për të shkuar në Lëshak në lidhje me disa ndihma për serbët në atë pjesë të vendit.

Ministria e Punëve të Jashtme ka thënë se nëse ka deklaruar në këtë mënyrë Gjuriq për moslejim të hyrjes, kjo nuk është e vërtetë.

“Kërkesa e vetme për vizitë nga individi i lartëpërmendur ka qenë të shtunën dhe e njëjta nuk është pranuar si rezultat i asaj që ka qenë jashtë kritereve të marrëveshjes së Brukselit”, ka thënë MPJ.