Sot protestohet sërish në Tiranë, largimi i Ramës nuk negociohet

Keystone EPA/MALTON DIBRA

Lulzim Basha pranoi nga Burreli se ndihma dhe kontributi i Gjermanisë dhe SHBA-së për të zgjidhur krizën në vend është e domosdoshme, por kushti për largimin e Edi Ramës është i panegociueshëm.

“Mirënjohje Gjermanisë aleate dhe mike, mirënjohje vendeve të tjera të BE-së dhe mirënjohje SHBA-së që nuk e lini vetëm popullin shqiptar në këtë betejë për jetë a vdekje. Një gjë është e sigurtë: ka vetëm një rrugë, ajo e standardeve evropiane. Kjo nuk negociohet, largimi i Edi Ramës nuk negociohet”, tha kreu i PD-së, raporton TCH, përcjell Albinfo.ch.

Basha tha se opozita nuk do të bëjë asnjë hap pas në betejën e saj për jetë a vdekje, ndërsa u bëri thirrje dje qytetarëve që t’i bashkohen protestës së sotme.