Deni Hoxha, shtetasi i parë i huaj që punon në qeverinë e prefekturës në Japoni

Studenti shqiptar në Harvard, Deni Hoxha (20 vjeç), në vitin e dytë filloi punën në zyrën e qeverisë prefekturale në Mie, Japoni. 

Kjo mundësi është realizuar me ndërmjetësimin e stafit në zyrën e prefekturës dhe Universitetit të Harvardit. Hoxha do të punojë në Departamentin e Financës dhe Turizmit, si dhe në promovimin e zonës për rreth 8 javë. 

Është hera e parë që prefektura Mie pranon një shtetas të huaj. Hoxha studion për Ekonomi dhe Shkenca Politike. 

“Unë jam i interesuar për kulturën japoneze shumë të veçantë dhe historinë dhe vendosa të pranoj ofertën për të qenë në Japoni gjatë pushimeve verore”, thotë ai. 

Hoxha është takuar edhe me guvernatorin e zonës Mie, Eikei Suzuki, që e ka falënderuar për zgjedhjen. Ai theksoi se Mie gjithashtu ka qenë vendi ku është mbajtur Samiti G7. Së bashku, ata folën edhe për vizionin e guvernatorit, Universitetin Harvard si dhe origjinën  shqiptare. 

Hoxha tha për Agjencinë Telegrafike Shqiptare (ATSH) se do të marrë pjesë në trajnime në zyrën turistike të prefekturës deri më 7 qershor dhe më pas përsëri në gusht. Stafi do të mësojë aktivitete të tilla si promovimi i turizmit dhe do të bashkëpunojë duke shpërndarë informacion, si dhe duke përdorur rrjetet sociale, përcjell albinfo.ch. 

Deni gjithashtu do të vizitojë qytete të ndryshme në Japoni gjatë punës. 

“Unë isha i shqetësuar, por unë do të doja t’ju falënderoj për pritjen tuaj të ngrohtë dhe dëshiroj të thelloj njohuritë e mia për Japoninë, dëshiroj të krijoj një marrëdhënie midis prefekturës dhe Universitetit të Harvardit, si dhe midis shteteve tona Shqipëri-Amerike– Japoni”, tha Hoxha, i cili u takua me guvernatorin Suzuki. 

Guvernatori Suzuki u shpreh se, “jam shumë i lumtur sepse dua të pranoj njerëz te trajnuar jashtë”. Pas prezantimit të prefekturës, ai tha: “Unë shpresoj se ju do të bëheni tifozë i Mie dhe do të bashkëpunoni në shpërndarjen e informacionit dhe promovimin e zonës. 

Për shqiptarin Deni Hoxha ka shkuar një nga gazetat më prestigjioze në Japoni “The Ise Shimbun”. 

Ai është i njohur për publikun shqiptar, pasi kur ishte vetëm 17 vjeç themeloi organizatën “Team Albanians”, me qëllim promovimin e vlerave dhe turizmit shqiptar jo vetëm në Shtetet e Bashkuara të Amerikës, por edhe në botë. 

Në kohën kur Barak Obama ishte në krye të Shtëpisë së Bardhë, Deni ishte një nga 4 studentët e përzgjedhur nga gjithë SHBA-ja, i cili foli rreth studimeve në Jordani përpara Departamentit të Shtetit. Po ashtu, studenti shqiptar në SHBA themeloi organizatën studentore shqiptare në Universitetin Harvard, më 2017. 

Deni Hoxha është një nga figurat që po nderon emrin e Shqipërisë kudo në botë. 

 

---