U pagua 35 mijë Sfr për dërgimin e dokumenteve, gjobitet me të njëjtën shumë

Një IT menaxher në një kompani kompjuterike është gjobitur, pasi qindra dokumente konfidencionale i dërgoi në Kinë.  

Punëtori në degën zvicerane të një kompanie holandeze u angazhua nga disa agjentë kinezë me bazë në Singapor, sipas raporteve në gazetën NZZ, përcjell albinfo.ch. 

Ai dërgoi në Singapor rreth 700 dokumente që përfunduan në Kinë. Gazeta thotë se ai ishte paguar 35,000 franga zvicerane dhe tani është gjobitur me të njëjtën shumë.  

Lajmi vjen pasi Shërbimi Informativ Federal njoftoi se vendi po kërcënohet vazhdimisht nga spiunazhi nga Kina dhe Rusia.