Filmi “Kthimi” shfaqet para publikut austriak

Të mërkurën në Innsbruck, në Kino Leokino 2, është shfaqur filmi kthimi “Kthimi”.

Filmi i realizuar si bashkëprodhim i Qendrës Kinematografike të Kosovës dhe Agjencisë së Filmit të Maqedonisë, është shfaqur para publikut në edicionin e 28-të të Festivalit Ndërkombëtar të Filmit në Innbsruck të Austrisë. Regjisor është Kastriot Abdyli.

Ky film është në garën ndërkombëtare, bashkë me katër filma të tjerë, përcjell albinfo.ch.

Në këtë film në rolet kryesore janë: Selman Lokaj, Hazir Sh. Haziri, Delphin Depardieu, Liridona Shehu, Safete Rogova, Sefedin Nuredini, Xhevat Qoraj, Ismail Kasumi, Shkëlqim Islami, Labinot Lajqi, Valon Bujupi, Virus Shala, Venera Lumani, Zijadin Murtezi, Teuta Ajdini, Hamdi Rashiti, Mubajadin Qamili, Nikola Kumev, Avdullah Gjikoka dhe Ellhame Bilall.

Ky realizim kinematografik është shfaqur premierë në Shkup më 18 prill të vitit të kaluar.