Shënohet 30-vjetori i shoqatës kulturore “Migjeni” në Slloveni

Ministri i Shtetit për Diasporën, Pandeli Majko, mori pjesë dje në aktivitetin e organizuar me rastin e 30-vjetorit të shoqatës kulturore të shqiptarëve “Migjeni” në Lubjanë të Sllovenisë. 

”Migjeni” është shoqata e parë shqiptare në ish-Jugosllavi, e cila ka ngulmuar në kërkesat e saj për njohjen e të drejtave të shqiptarëve.  

Në këtë përvjetor të rëndësishëm ministri i Shtetit për Diasporën i dorëzoi shoqatës titullin “Naim Frashëri”, për “Veprimtarinë dhe angazhimin në mbrojtjen e çështjes kombëtare shqiptare”, titull ky akorduar nga Presidenti i Republikës së Shqipërisë, përcjell albinfo.ch.

Pjesë e aktiviteteve me rastin e këtij përvjetori të shoqatës ishte edhe simpoziumi shkencor “Si e kapërcyem pragun e shpresës”.