Gjuriq festimet e 20-vjetorit të çlirimit i ka quajtur “ballo cinikësh”

Marko Gjuriq e ka komentuar ardhjen e Klintonit, Albrajtit dhe Klarkut në Prishtinë, për të marrë pjesë në manifestimin e 20-vjetorit të çlirimit të Kosovës. 

Ai festimet i ka quajtur si një ‘ballo cinikësh’.

Drejtori i Zyrës për Kosovë në Qeverinë e Serbisë, Marko Djuriç, ka thënë se serbët në Kosovë janë “njerëz të uritur”.

Gjuriq gjithashtu ka thënë se edhe 20 vjet pas përfundimit të agresionit të NATO-s, nuk janë dënuar ende autorët e krimeve kundër serbëve dhe të gjithë atyre që nuk pranuan t’i bashkoheshin terrorizmit të UÇK-së, shkruan B-92.

Gjuriq ishte i ftuar dhe foli në një mbledhje të organizuar nga Shoqata e Serbëve të Kosovës në Beograd, e cila po mbahej 20 vjet nga eksodi i serbëve nga Kosova.

Gjuriq gjatë fjalimit tha se në përvjetorin e terrorizmit, krimit dhe persekutimit të serbëve, në Prishtinë po festohet dëbim i 56 % për qind të popullatës joshqiptare në Kosovë, dhe po festohet pastrimi etnik i më shumë se 300 vendbanimeve të banuara nga serbët.

Ai kujtoi se edhe pas 20 vjetësh askush nuk u përgjigj dhe se komandantët kryesorë të UÇK-së janë përgjegjës për mungesën e serbëve në Prishtinë, Prizren, Gjakovë, Gjilan, Ferizaj dhe vende të tjera.