Suedia, 400 milionë euro për Ballkanin Perëndimor

Nga kjo shumë e shtetit suedez përfiton edhe Kosova. Kështu ka thënë ambasadori suedez në Bosnjë, Fredrik Shiller

Qeveria e Suedisë ka ndarë një fond prej 400 milionë eurosh për t’i ndihmuar vendet e Ballkanit Perëndimor gjatë periudhës së ardhshme. Këto ndihma do të shkojnë në reformimin e administratës publike, në sistemin e drejtësisë dhe mbrojtjen e të drejtave të njeriut.

Këtë lajm e ka konfirmuar ambasadori suedez në Bosnjë, Fredrik Shiller, raporton Euronews, citon “expres”. Ambasadori ka thënë se fondet do të ndihmojnë Kosovën, Shqipërinë, Bosnjën dhe Serbinë. Por, Maqedonia është një nga vendet e vetme aspirante që është përjashtuar nga kjo ndihmë.

Shtetit e Ballkanit Perëndimor kanë shprehur ambiciet e tyre për t’u integruar në Bashkimin Evropian, por si shtete në tranzicion po përballen me shumë sfida. Ndërsa sistemi i drejtësisë dhe zhvillimi ekonomik janë dy sektore ku të gjitha shtetet janë duke çaluar.

Ndërkohë, nuk bëhet e ditur se cilat janë arsyet e përjashtimit të Maqedonisë nga ky fond suedez, që kap shifra të larta.

Sipas ambasadorit suedez në Sarajevë, Schiller, Serbia dhe Bosnja do të marrin fonde shtesë për shkaka të përmbytjeve të fundit. Ai tha se vetëm për Bosnjën do të sigurohen 100 milion euro nga Suedia.