Muzikë

Elhaida Dani, pjesë e shfaqjes “Notre Dame de Paris”

E martë, 9 Korrik 2019 - 19:00 albinfo.ch

Foto: Elhaida Dani (Instagram)

Këngëtarja shqiptare, Elhaida Dani, tashmë e njohur edhe për publikun e huaj, do të jetë pjesë e shfaqjes muzikore “Notre Dame de Paris”, përcjell albinfo.ch.

Në këtë shfaqje, që bazohet në romanin e famshëm me po të njëjtin emër të Viktor Hygoit, Dani do të ketë një prej roleve kryesore, atë të Esmeraldës.

“2019-2020 kthehem më në fund në Itali me “Notre Dame de Paris”. Faleminderit Riccardo Cocciante për besimin”, ka shkruar Dani në Instagram.

Riccardo Cocciante është autor i kësaj shfaqjeje muzikore, e cila është luajtur në shumë vende të botës, është përkthyer në disa gjuhë dhe performohet tash e sa kohë.