Klosi: Shqipëria, pako të përbashkët turistike me 6 vende

Ministri i Turizmit dhe Mjedisit i Shqipërisë, Blendi Klosi, në aktivitetin e organizuar nga The Regional Cooperation Council, në Tiranë, ka njoftuar se janë pjesë e një diskutimi të përbashkët mes 5 vendeve të rajonit, Bosnjë e Hercegovinës, Kosovës, Maqedonisë së Veriut, Serbisë dhe Malit të Zi, që synon përfshirjen e saj në hartën e destinacioneve turistike të rajonit, transmeton albinfo.ch.
Klosi tha vendi ynë do të kishte sukses nëse do të futej në treg me një ofertë të përbashkët turistike.
“Mendoj që jo vetëm në rajonin e Mesdheut, por të gjithë rajonet kanë filluar të mendojnë si destinacione të përbashkëta, pasi tregu i turizmit ka ndryshuar shumë, tregu i atyre që udhëtojnë ka ndryshuar shumë, tregu i atyre që përfitojnë nga turizmi ka ndryshuar shumë”, ka thënë ai.
Ministri Klosi shtoi se për këtë arsye, ministria kërkon asistencën e shoqërisë civile për të ndihmuar me ide.