Lajme

Protesta edhe në Vjenë

Para ambasadës së Maqedonisë në Vjenë të Austrisë është organizuar të shtunën një protestë në përkrahje të protestave në Shkup.

E shtunë, 12 Korrik 2014 - 16:49 albinfo.ch

Protestuesit e mbledhur shqiptarë shprehën revoltën e tyre ndaj vendimit të fundit të gjyqësorit maqedonas për dënimin e gjashtë shqiptarëve me burgim të përjetshëm për rastin Monstra.

Organizatorët e protestave theksuan se mbështesin fuqishëm protestat e shqiptarëve në Maqedoni që kanë si synim ngritjen e zërit të padrejtësive dhe diskriminimit të shqiptarëve në këtë vend.

Protesta para ambasadës në rrugën Kinderspitalgasse 5 ka zgjatur deri ora 15.00 dhe më pas në praninë e forcave policore austriake, protestuesit janë shpërndarë qetë.