Tri ditë para koncertit, sëmuret tenori Ramë Lahaj

Tenori shqiptar me famë botërore, Ramë Lahaj, është prekur nga një infeksion akut i fytit, përcjell albinfo.ch.

Kështu ka bërë të ditur vetë Lahaj, përmes një postimi në Instagram, teksa ka thënë se gjendja e tij shëndetësore nuk është e mirë. Ndërkaq, pas tri ditësh, ai pritet të mbajë një koncert në Prishtinë.

“Të dashur miq, këto ditë jam prekur nga një infeksion akut të fytit. Gjendja aktuale nuk është aspak e mirë por me shpresën dhe ndihmën e specialistit shpresoj gjithçka të jetë në rregull deri më 1 gusht. Javë të mbarë për të gjithë ju”, ka shkruar Lahaj mbi fotografinë në të cilën shihet në një klinikë.

Rikujtojmë se më datën 1 gusht të këtij viti, Ramë Lahaj & Friends pritet të mbajnë një koncert në sheshin “Skenderbeu” në Prishtinë”, në kuadër të manifestimit “Ditët e Diasporës”.

https://www.instagram.com/p/B0fjxzoo2OY/