10 aksidente, shumë të lënduar në rrugën Prishtinë-Pejë

Në autostradën Prishtinë-Pejë kanë ndodhur dhjetë aksidente, ka edhe persona të lënduar.

Këto informata i ka bërë të ditura zëdhënësi i Policisë së Kosovës, Daut Hoxha.

Ai ka treguar se ka njerëz të lënduar dhe dëmtime të shumta materiale.

“Ju informoj se në autostradën Prishtine- Pejë, konkretisht prej Sllatinë, Kroi i Mbretit, deri në Komoran, njësitet tona policore për menaxhimin e autostradës janë duke u marrë me disa raste të aksidenteve, ku vlerësohet se ka dëme materiale dhe lëndime në njerëz.

“Policia bashkë me ekipet e emergjencave është duke menaxhuar këtë situatë, ku pas reshjeve atmosferike në këtë pjesë të autostradës nga të dy anët  deri në këto momente kanë ndodhur më shumë se 10 aksidente. Për detaje të tjera ju njoftojmë më vonë”, ka thënë Hoxha.

Si rezultat i këtyre aksidenteve janë shkaktuar kolona të gjata, përcjell albinfo.ch.

---