Nxënësve dhe mësuesve shqiptarë do t’u shpërndahen 11000 tekste të gjuhës shqipe

Ministria e Diasporës në Shqipëri përmes një postimi ka bërë të ditur që është marre vendim për shpërndarjen e teksteve të gjuhës shqipe nxënësve dhe mësuesve shqiptarë jashtë trojeve shqiptare, përcjell albinfo.ch

Për herë të parë që nga krijimi i saj në janar të këtij viti, Qendra e Botimeve për Diasporën ka përgatitur dhe po shpërndan paketën e teksteve shkollore për mësimdhënie në Diasporë.

Rreth 11 000 tekste të gjuhës shqipe do t’u shpërndahen nxënësve dhe mësuesve shqiptarë, që gjenden jashtë trojeve shqiptare.

E gjithë kjo ka për qëllim të plotësojë nevojat dhe përmbushjen e mësimdhënies në vendet e diasporës.

Të gjitha tekstet janë falas dhe tërheqja e tyre do të bëhet në ambasadat shqiptare të vendeve përkatëse, sipas kërkesës së këtyre të fundit, përcjell albinfo.ch

---