Burrë e grua diplomuan si kadetë të Policisë së Kosovës

Një rast i rrallë ka ndodhur këtë herë me diplomimin e kadetëve të policisë, pasi që në këtë gjeneratë ka diplomuar edhe një çift.

Dy policët e rinj ishin martuar gjatë kohës sa ishin në Akademinë Policore, andaj edhe kishin fatin që të diplomojnë së bashku si pjesëtarë të Policisë së Kosovës.

Sipas asaj që i është thënë çiftit nga instruktorët në Akademi, kjo gjë nuk kishte ndodhur më parë që një çift i martuar të diplomonte në të njëjtën kohë, shkruan indeksonline.

Gjatë ditës së djeshme diplomuan 416 zyrtarë policorë të gjeneratës së 54-t të Policisë së Kosovës.