“Me datë 14.09.2019, rreth orës 22:50 deri te aksidenti kishte ardhur deri sa vozitësi me veturen VW Golf 4, ngjyrë e kaltër me targa vendore, ishte duke lëvizur ne rrugën Duhel-Suhareke dhe me të arritur në hyrje të Suharekës, duke mos përshtatur shpejtësinë e lëvizjes humb kontrollin, ku ana e djathtë e veturës del jashtë rruge, e godet mbrojtësin nga metali të urës dhe përplaset me anën e djathtë të automjetit, duke rënë në një lartësi rreth 2 metra poshtë”, ka konfirmuar për Gazetën Express togeri Shaban Osmanollaj.

Pas aksidentit menjëherë në vendin e ngjarjes ka dalë ambulanca, duke i dërguar kështu të lënduarit fillimisht në qendrën emergjente në Prizren dhe më pas për në QKUK në Prishtinë.

“Si pasojë e aksidentit, vozitësi dhe dy pasagjeret me auto ambulancë dërgohen ne qendrën emergjente te Prizrenit dhe sipas mjekut kujdestar kanë pësuar lëndime të rënda trupore dhe dy nga të lënduarit dërgohen në QKU në Prishtinë për tretman të mëtejmë, kurse njëri ndalet për tretman mjekësor në spitalin e Prizrenit”, ka shtuar Osmanollaj.

Në fund ai ka treguar se me hetimet e rastit po merren edhe Prokuroria, shkruan gazeta express, përcjell albinfo.ch.