40 kompani zvicerane operojnë në Maqedoni

Aktualisht mbi 40 kompani me 100% kapital zviceran shpërndajnë produkte ose shërbime zvicerane në tregun e Maqedonisë Veriore.

Rritja e bashkëpunimit dhe shkëmbimit tregtar përmes rrjetëzimit të kompanive, ndërtimi dhe forcimi i lidhjeve, si dhe promovimi i ndërsjellë është qëllimi i Klubit të Biznesit Maqedoni – Zvicër, i themeluar me mbështetjen e Ambasadës Zvicerane dhe Dhomave të Tregtisë (MCC), shkruan albinfo.ch.

Jasminka Taleska, drejtoreshë e kompanisë zvicerane Novartis, është zgjedhur kryetare e Klubit të Biznesit.

«Klubi është formuar si rezultat i nevojës dhe potencialit të zbuluar për rritjen e bashkëpunimit të biznesit dhe numrit të kompanive zvicerane që veprojnë në Maqedoni. Ekziston një potencial i madh për të forcuar më tej mundësitë e bashkëpunimit midis kompanive nga të dy vendet. Qëllimi i themelimit është para së gjithash dhe për të rritur bashkëpunimin. Besojmë se do të rrisim shkëmbimet tregtare që vitin e kaluar ishin 105 milionë euro, me eksporte prej 40 milionë euro dhe importe prej 65 milionë euro», tha Arsovska me rastin e fillimit të Klubit të Biznesit.

Zëvendës Ambasadori i Zvicrës, Stefan Tomajan, theksoi se Ambasada do të përpiqet të forcojë bashkëpunimin midis dy vendeve, me theks të veçantë në rritjen e bashkëpunimit tregtar dhe ekonomik.

«Kjo është një shenjë se marrëdhëniet dypalëshe ekonomike janë të mira. Ne jemi të bindur për potencialin e rritjes së tregtisë dhe investimeve midis dy vendeve tona. Në këtë drejtim, klubi i ri i biznesit do të luajë një rol të dobishëm », tha Tomajan.

Aktualisht mbi 40 kompani me 100% kapital zviceran shpërndajnë produkte ose shërbime zvicerane në tregun e Maqedonisë Veriore.

---