Vlerësohet vendimi i Parlamentit gjerman për hapjen e negociatave me Shqipërinë

Foto Ilustrim

Deputetja socialdemokrate, Nezahat Baradari, ka vlerësuar  vendimin e Parlamentit gjerman për hapjen e negociatave me Shqipërinë dhe Maqedoninë e Veriut.

“Është një sinjal i rëndësishëm për integrimin europian të gjithë rajonit, që grupet parlamentare të koalicionit e hapën rrugën për fillimin e negociatave të anëtarësimit në BE me Shqipërinë dhe Maqedoninë e Veriut”, shprehet deputetja socialdemokrate, Nezahat Baradari, në një deklaratë për Deutsche Wellen.

Po ashtu Baradari theksoi se të enjten Bundestagu do të japë përfundimisht dritën e gjelbër për këtë.

Por deputetja gjermane e vë theksin te vazhdimi i reformave. “Të dyja vendet duhet tani të vazhdojnë pa ndryshuar përpjekjet për reforma. Së bashku me partnerët tanë europianë, ne do ta ndjekim këtë proces në mënyrë intensive dhe në rast nevoje do të kërkojmë përpjekje të tjera”, ka përfunduar ajo.