“Vjedhja” ndaj turistëve japonezë në Romë

Pronarët kanë thënë se menuja është e qartë dhe nuk ka ndodhur asgjë e jashtëzakonshme

Dy turistë japonezë që ishin duke ngrënë në kryeqytetin italian në fillim të shtatorit akuzuan një restaurant se kanë paguar 429.80 € për dy pjata peshqish, shpageta dhe vetëm ujë për pije.

Fatura, e cila është bërë virale, pasi turistët e pakënaqur e ndanë atë në faqen e internetit për këshilla të udhëtimit Tripadvisor, tregon sesi totali për ushqim dhe pije arriti në 349,80 €, dhe tarifë shërbimi prej 80 €, përcjell albinfo.ch.

Restoranti në fjalë është Antico Caffè di Marte afër Castel Sant’Angelo të famshëm në qendër të Romës.

Më pas ishin një numër i madh i klientëve që kanë deklaruar se kanë paguar shumë në këtë vend.

Përballë një stuhie kritikash, pronarët e saj i thanë të përditshmes italiane Corriere de la Sera se menyja e tyre është e qartë, arsyeja që ata (turistët japonezë) paguanin atë çmim është sepse ata jo vetëm që porositën shpageta, por edhe peshqit që ishin të freskët, përcjell tutje albinfo.ch.Vitet e fundit Italia ka bërë tituj ndërkombëtarë për numrin e rasteve të turistëve që “grabiten” nga restorante zhvatëse.Këto përfshijnë 81 € të paguara për dy hamburger dhe tre kafe në Romë, një vakt prej 1,100 eurosh për katër në një restorant në Venecia, një kon të vetëm të akullores që kushtoi 25 € në Firence dhe një çek prej 42 € për tre xhelati dhe pak ujë afër Shatërvanit të Treviut në kryeqytetin italian.

---