Rikthehet pas një kohe të gjatë ylli i Përfaqësueses së Kosovës

Ka afro një vit që mesfushori i Përfaqësueses së Kosovës, Donis Avdijaj, nuk është ftuar nga trajneri Bernard Challandes

Për herë të fundit, ish-futbollisti i Schalkes ka qenë i grumbulluar në nëntorin e vitit të kaluar për ndeshjet e Uefa Nations League.

Megjithatë, burime të Indeksonline bëjnë të ditur që Avdijaj do të jetë në listën e Kosovës për dy ndeshjet e ardhshme kundër Gjibraltarit dhe Malit të Zi.

Forma e mirë që Avdijaj po tregon në Turqi me Trabzonsporin e ka shtyrë trajnerin Challandes që ta afrojë shërish 23-vjeçarin.

Në 5 ndeshje mesfushori në Superligën e Turqisë, mesfushori kosovar ka regjistruar 1 gol dhe 1 asistim, shkruan indeksonline, përcjell albinfo.ch.

---