Emigrantët shkojnë në Itali edhe ‘përmes’ Facebook-ut

Për shembull, për të shkuar nga Bodrum në Cosenza duhen nga 2000 euro në 4000 euro

80% e emigrantëve zbarkojnë në Itali nëpërmjet lidhjeve që krijojnë në Facebook, shkruan media italiane ‘ilsole24ore’.

“Për të kuptuar se si emigrantët hyjnë ilegalisht në Itali, nuk duhet të shohim detin, por Facebook-un”, shkruan gazetarja e ‘ilsole24ore’, Valentina Furlanetto.

“Nuk janë të pakta faqet në rrjetet sociale që informojnë se si mund të hysh në Itali. Këto faqe Facebook janë lehtësisht të gjindshme, mjafton të kërkosh pak. Në pamje të parë duken faqe normale që flasin për udhëtimet. Më pas, duke naviguar nëpër postime kupton se frekuentuesit e kësaj faqeje përdorin gjuhën arabe dhe ruse. Mjafton ndihma e një përkthyesi për të kuptuar që flitet për emigracion ilegal. Për shembull, për të shkuar nga Bodrum në Cosenza duhen nga 2000 euro në 4000 euro”, shpjegon Furlanetto, transmeton Scan.

Në artikullin e ‘ilsole24ore’, gazetarja përmend faktin se në 2019, Italia ka pasur 7032 hyrje ilegale, prej të cilave 2 në 8 mbërrijnë me anije tregtare, ndërsa pjesa tjetër me gomone të vogla, përcjell albinfo.ch.

“Me pak fjalë, e kemi kaluar gjithë këtë kohë duke u marrë me politikën dhe OJQ-të, ndërkohë që ‘zbarkimet’ vazhdojnë qetësisht nga kontaktet në internet, Facebook apo Skype”, thotë gazetarja e ‘ilsole24ore’.

---