Cakaj në Nju-Jork, me mbesën e heroit të UÇK-së

Gjatë vizitës në ambientet e shkollës “Children of the Eagle” ka pasur një takim të veçantë

Gjatë vizitës në Nju-Jork, në kuadër të punimeve të Asamblesë së Përgjithshme të Kombeve të Bashkuara, Ministri në Detyrë për Evropën dhe Punët e Jashtme, Gent Cakaj, gjatë vizitës në ambientet e shkollës “Children of the Eagle” ka pasur një takim të veçantë me Fjoralba Ademaj, mbesa e dëshmorit të luftës të UÇK-së, Vezir Ademaj.

Në foton e postuar në rrjetin social Facebook Cakaj shkruan: “Vezir Ademaj la jetën e qetë të perëndimit për t’iu bashkuar luftës së drejtë për çlirimin e Kosovës.

Në fund, vendi të cilit ai trimërisht i fali jetën, e kujtoi me nderim dhe përulje duke i dhënë titullin hero”.

Cakaj shton: Shembulli i Fjoralbës dhe gjeneratës së saj është dëshmia e prekshme dhe e përditshme se çdo sakrificë ia ka vlejtur.

---