Arrestohet një vëzhgues i VV-së në Lipjan

Policia e Kosovës ka arrestuar një vëzhgues të Lëvizjes Vetëvendosje në fshatin Brus të komunës së Lipjanit

Sipas burimeve të Policisë së Kosovës, arrestimi ka ndodhur për shkak se ndaj të dyshuarit kohë më parë ishte ngritur një fletarrestim nga Gjykata, ndërkohë që Policia e Lipjanit e ka identifikuar atë dhe e ka dërguar në mbajtje, raporton “Koha Ditore”, përcjell albinfo.ch.

Këtë e ka konfirmuar edhe Hamëz Kadriu, përfaqësues i KKZ-së në Lipjan, i cili nëpërmjet telefonit i ka thënë se me vëzhgues merren subjektet politike, ndërkaq rasti i fshatit Brus nuk ka të bëjë me procesin zgjedhor.

“E kemi marrë si informacion se vëzhguesi kishte një fletarrestim nga gjykata për një dënim prej pesë vjetësh. Është arrestuar nga Policia, por nuk ka të bëjë asgjë me procesin zgjedhor. Vëzhguesit monitorohen drejtpërdrejt nga subjektet politike”, ka thënë ai.

---