Refuzohen votat e vonuara të diasporës nga PZAP

Në mbledhjen e radhës, Paneli Zgjedhor për Ankesa dhe Parashtresa ka vendosur që t’i refuzojë katër mijë e 639 fletëvotime nga diaspora.

E gjitha kjo, sepse PZAP ka vlerësuar se fletëvotimet e lartpërmendura kanë arritur me vonesë në Kosovë përmes postës pas afatit ligjor, njofton Klan Kosova.

“PZAP në seancën e mbajtur më 19.10.2019 ka shqyrtuar ankesat: Anr.375/2019 të paraqitur nga Lëvizja Vetëvendosje (LVV) më 17.10.2019 dhe 376/2019 të paraqitur nga Organizata GERMIN më 18.10.2019, me të cilat është kërkuar që të pranohen nga KQZ 4,639 fletëvotimeve të votuesve jashtë Kosovës dhe ka marrë vendim për të hedhur si të palejuara apelet e larttheksuara”, përcjell albinfo.ch.