Tiranë: Albin Kurti festoi rezultatin zgjedhor me përkrahësit e tij

Kandidati i Lëvizjes Vetëvendosje, Albin Kurti, ka shkuar në Tiranë për të festuar me përkrahësit e tij fitoren e zgjedhjeve që u mbajtën më 6 tetor.

Mediat nga Shqipëria shkruajnë se për herë të parë një parti politike e Kosovës erdhi në Tiranë për të festuar rezultatin zgjedhor me përkrahësit e saj.

Tch ka raportuar se Albin Kurti mbërriti në kryeqytet, në Kinemanë Millenium.

I pyetur nëse do të ketë një takim mes tij dhe Edi Ramës, Kurti tha:

“Unë nuk do të kem takime të tjera, thjesht do të festoj”, duke shtuar se do t’i duhet të kthehet sonte në Kosovë, në pamundësi për të pasur një takim me kryeministrin shqiptar.

Sidoqoftë Kurti deklaroi se një takim mes tyre do të ketë, dhe është çështje ditësh e jo javësh.

“Kryesor është liberalizimi i tregut dhe bashkëpunimi ekonomik Kosovë-Shqipëri”, përcjell albinfo.ch.