Kjo është violinistja e parë në San Carlo të Napolit

Violinistja shqiptare, Cecilia Laca, shquhet për talentin dhe performancën e saj në skenat më prestigjioze të botës.

Duke qenë se Laca është pjesë e shumë shqiptarëve në fushën e instrumenteve, ajo po arrin majat e institucioneve më të rëndësishme të kulturës europiane.

Cecilia Laca ka shkëlqyer në teatrin San Carlo të Napolit, një nga teatrot më antikë dhe më prestigjozë në Europë dhe në botë.

Cecilia Laca sipas gazetës së Napolit, Il Mattino, po vlerësohet si një tjetër ekselencë shqiptare që me punën dhe talentin e saj fiton shkallët e karrierës për të qenë një nga instrumentistet më me vlerë të San Carlos.

“Nga mamaja ka trashëguar pasionin dhe disiplinën, ndërsa babai ishte instrumentist i oboes para se të bëhej drejtor në një ndërmarrje. Vëllai pianist po me një karrierë të suksesshme”, shkruhet në të përditshmen napoletane.