“Po, para dy-tre orëve, është plagosur rëndë Milazim Murati nga Gërbaci i Medvegjës. Sipas informatave që i kemi, ai është duke u transportuar nga spitali i Gjilanit drejt QKU-së në Prishtinë, pasi që ka marrë plagë tejet të rënda”, ka theksuar Florim Sahiti, këshilltar nga radhët e Partisë për Veprim Demokratik në Medvegjë.

Policia e Kosovës e ka konfirmuar rastin e plagosjes së Milazim Muratit.

Zëdhënësi i Policisë, Daut Hoxha, tha se me të marrë informatën njësitet e Policisë Kufitare kanë ndërmarrë masat e nevojshme.

“Në orët e pasdites, Policia ka pranuar informatën për një person të plagosur me armë zjarri. Policia kufitare menjëherë ka ndërmarrë veprimet e nevojshme, të lënduarit nga ambulanca iu është dhënë ndihma e parë dhe i njëjti është transportuar për trajtim të mëtejmë mjekësor”, tha Hoxha.