Ekspozitë në Kosovë: Bukuritë e Francës përmes fotografive

Ekspozitën ‘France eMotion: udhëtimi i animuar’

Ambasada Franceze në Kosovë sot do të organizojë një ekspozitë me shumë fotografi të qyteteve të Francës.

Instituti Francez dhe Ambasada Franceze në Kosovë kanë organizuar ekspozitën ‘France eMotion: udhëtimi i animuar’, një ekspozitë që paraqet pasuritë e trashëgimisë kulturore franceze, duke përshirë vendet kulturore dhe artistike të këtij vendi.

Kjo ekspozitë mbahet më 30 tetor, nga ora 19:00, në ambientet e ‘Aleancës Franceze’ në Prishtinë. Ekspozita paraqet 35 fotografi të vendeve kulturore franceze, të bëra nga katër fotografë ndërkombëtarë dhe të animuara përmes një realiteti të shtuar me një aplikacion falas të celularit, i thjeshtë dhe i qasshëm për të gjithë.

‘France eMotion’, është një iniciativë e udhëhequr nga Grupi i Turizmit dhe Kulturës i Atout në Francë dhe Instituti Francez.

Kjo ekspozitë  është e organizuar me mbështetjen e Institutit Francez, Ministrisë së Kulturës, Rinisë dhe Sporteve të Kosovës dhe Ambasadës Franceze në Kosovë. Ekspozita do të jetë e hapur deri më 12 nëntor 2019. /Albinfo.ch

---