Krerët e LVV-së dhe LDK-së: Thaçi ta përfundojë mandatin e presidentit

Edhe një vit e gjysmë i kanë mbetur presidentit HashimThaçi deri në përfundim të mandatit.

Thuhet se pozita e Thaçit pritet të vendoset në tavolinën e bisedimeve mes liderëve të të dy partive, që morën shumicën e votave në zgjedhjet e 6 tetorit, raporton KTV.

E gjithë kjo pas përfundimit të harmonizimit të planprogramit qeverisës mes Lëvizjes Vetëvendosje dhe Lidhjes Demokratike të Kosovës, këtë javë. Albulena Haxhiu, nga Vetëvendosje, ka bërë të ditur se pozita e të parit të shtetit nuk është biseduar mes partive deri më tani.

Po ashtu ajo ka shtuar se diskutimi apo jo i kësaj pozite, u takon liderëve të të dy partive.

Vënien e emrit të presidentit në tavolinën e diskutimeve mes Vetëvendosjes dhe LDK-së, Ehat Miftaraj e sheh si pjesë të demokracisë parlamentare.

Megjithatë, Miftaraj thotë se ato duhet të kenë kujdes që marrëveshja të mos lidhet me presidentin aktual.

Kujtojmë se Hashim Thaçi është zgjedhur president i vendit në prill të vitit 2016. Mandati i tij përfundon më 2021, përcjell albinfo.ch.