Mustafa pajtohet që Kurti të jetë kryeministër i ri i Kosovës

Duket se Lidhja Demokratike e Kosovës (LDK) do ta respektojë parimin, sipas të cilit mandatar i Qeverisë do të jetë kandidati i partisë e cila në zgjedhjet e fundit të jashtëzakonshme fitoi më së shumti vota, ndërkaq kjo në rastin konkret është Lëvizja Vetëvendosje, përkatësisht Albin Kurti, deklaroi në konferencë për shtyp në Prishtinë Isa Mustafa, pas mbledhjes së kryesisë partiake.

Po ashtu, Mustafa e paralajmëroi edhe takimin e dy partive në nivel më të lartë, siç tha, do të bëhet fjalë për dialogun me Beogradin edhe për disa çështje të tjera.

Nga ana tjetër, lideri i Lëvizjes Vetëvendosje, Kurti, sipas rezultateve përfundimtare të kumtuara dje, individualisht fitoi më së shumti vota dhe me atë e siguroi funksionin e kryeministrit.

Ndërkohë, Mustafa tha edhe se deri tani në negociata është harmonizuar pjesa më e madhe e programit të qeverisë së re dhe shtoi se ekzistojnë disa dallime, kur bëhet fjalë për çështjet sociale dhe ekonomike, transmetoi Koha.

“Qeveria e re do të jetë më efikase dhe më ekonomike. Nuk duhet të merremi me çështje të cilat nuk dakordohemi, edhe pse ato janë shumë pak”, tha Mustafa, përcjell albinfo.ch.