Francë: Kurti flet për zhvillimet politike në Kosovë

Lideri i Lëvizjes Vetëvendosje, Albin Kurti, ka njoftuar se ka zhvilluar disa takime në Ministrinë e Punëve të Jashtme të Francës, ku është diskutuar për marrëdhëniet bilaterale midis dy shteteve tona, zhvillimet politike në Kosovë dhe situatën rajonale në Ballkan.

“Në kuadër të vizitës dyditore në Paris, dje isha në Ministrinë e Punëve të Jashtme të Francës në Quai D’Orsay, ku takova Drejtorin për Evropën Kontinentale, z. Frédéric Mondoloni, Shefin e Departamentit për Ballkanin Perëndimor, z. Thomas Bertin dhe Drejtorin e Kabinetit të Ministrit të Çështjeve Evropiane, z. Vincent Guerend”, ka shkruar Kurti në llogarinë e tij në Facebook.

Përveç zgjedhjeve, Kurti ka bërë të ditur se është biseduar edhe për bashkëpunimin mes dy vendeve.

“Pas urimeve të tyre për suksesin tonë në zgjedhje dhe falënderimeve të mia për mbështetjen e Francës për Kosovën, diskutuam për marrëdhëniet bilaterale midis dy shteteve tona, zhvillimet politike në Kosovë dhe situatën rajonale në Ballkan”, është shprehur Kurti. /Albinfo.ch