Cilët deputetë nuk hyjnë në Kuvend nëse kalon pragun NISMA?

Hyrja e Nismës Socialdemokrate në Kuvend, bashkë me AKR-në në bazë të vendimit të PZAP-së do të sillte ndryshime në përbërjen e re të legjislaturës së parlamentit.

Kësisoj, VV-së i largohen tre deputetë, LDK-së një, PDK-së një, si dhe koalicionit AAK-PSD një deputet.

Në këtë formë, duke u bazuar në rezultatet e nxjerra nga KQZ-ja, nga Vetëvendosje pa ulëse mbesin Alban Hyseni, Enver Haliti dhe Arta Bajralija, shkruan GE, përcjell albinfo.ch.

Nga LDK-ja ulësen e humb Valentina Bunjaku – Rexhepi.

Nga PDK-ja Valdete Idrizi mund të mbesë pa ulëse.

E nga koalicioni AAK-PSD jashtë mbetet e Natyra Kuçi nga partia e Shpend Ahmetit, që do të thotë se kjo parti s’do të ketë asnjë përfaqësues në legjislaturën e re.

Ndërkaq nuk pritet të ketë ndryshime nga përbërja e partive të tjera.

---