Rrahmani: Çekia është nën presion!

Amiri tha se në Ceki, do të japin maksimumin për të nxjerrë një rezultat pozitiv.

Amir Rrahmani, që ka mbajtur shiritin e kapitenit në disa ndeshje për shkak të mosaktivizimit të kapitenit të parë, Samir Ujkani, ka dalë në konferencë për media para sfidës me Çekinë.

I shoqëruar me kapitenin e parë, Amiri tha se në Çeki do të japin maksimumin për të nxjerrë një rezultat pozitiv.

“Ndeshja me Çekinë do të jetë me shumë tensione, por ata kanë më shumë për të humbur se sa ne”, u shpreh Amiri.

“Do të mundohemi të japim maksimumin ndaj Çekisë, të shohim se çfarë do të ndodhë”.

“Thënë të drejtën, nuk po mendojmë për Ligën e Kombeve, presioni është më i madh te ata, sepse luajnë brenda”.

“Edhe një barazim do të na mbante ende në lojë, gjithsesi do të provojmë të fitojmë”.

---