Sfida vendimtare për Kosovën

Dardanët do të përballen me Çekinë në udhëtim dhe duhet të fitojnë për të shpresuar në kualifikim

Sonte Kosova do të përballet në udhëtim me Republikën Çeke, ndeshje që zhvillohet nga ora 20:45, përcjell albinfo.ch.

Kjo ndeshje është vendimtare, pasi Dardanët duhet të fitojnë për të shpresuar në kualifikim, sepse çekët kanë një pikë më shumë në grup.

Barazimi do të vështirësonte shumë gjasat drejt kualifikimit në Evropian.

Trajneri Bernard Challandes për këtë sfidë, por edhe atë me Anglinë, nuk do të ketë në dispozicion sulmuesin kryesor të saj Vedat Muriqin për shkak të problemeve fizike të tij.

Milot Rashica theksoi se Muriqi është një mungesë e madhe për Kosovën dhe se skuadra do të kërkojë të fitojë për të dhe për lojtarët e tjerë të dëmtuar.

Kjo ndeshje do të gjykohet nga gjyqtarë italianë me kryesor Gianluca Rocchin, ndërkohë që ndihmës të tij janë Filippo Melli dhe Ciro Carbone.

---