Haradinaj: Ne liderët jemi mashtrues

Në një intervistë për RTV21 kryeministri Ramush Haradinaj ka kritikuar liderët politikë përfshirë edhe vetën për shkak se nuk është kryer reforma zgjedhore.

“Ne jemi mashtrues që nuk e kemi kryer reformën zgjedhore. Përfshirë edhe mua që jam pjesë e tavolinave” ka thënë Haradinaj.

Këto deklarata ai i ka bërë në kontekst të zgjedhjeve të 6 tetorit të cilat ende s’kanë përfunduar. Por, për vonesat ai ka thënë se nuk duhen fajësuar KQZ’në, PZAP’në por partitë politike.

Gjithashtu, deklarata të tilla vetëfajësuese Haradinaj i bën shpesh. Gjate një interviste në Shqipëri, Haradinaj kishte thënë se liderët në Kosovë e Shqipëri i vjedhin vendet e tyre, përcjell albinfo.ch.