Mijëra franga janë mbledhur për dy ditë nga diaspora në Cyrih

Diaspora nga Cyrihu i Zvicrës ka mbledhur 17 mijë franga donacione për shqiptarët e prekur nga tërmeti në Shqipëri

Edhe një javë pas tërmetit në Shqipëri, ndihmat nga mërgimtarët në Zvicër nuk kanë të ndalur. Afaristi nga Zvicra, Qahil Emini, ka krijuar një grup të hapur në Whatsapp për të mbledhur donacione për shqiptarët e prekur nga tërmeti në Shqipëri.

Për dy ditë, afaristit nga Zvicra i janë përgjigjur shumica e shokëve dhe miqve, ku edhe janë grumbulluar rreth 17 mijë franga.

Tashmë donacioni është relaizuar nëpërmjet bankës në njërën nga kontot e Fonfacionit «Firdeus» të Imamit Elvis Naçi në Shqipëri.

Nuk janë vetëm ky grup i shqiptarëve të Cyrihut që kanë grumbulluar donacione në nisma të këtilla solidare për të lehtësuar disi dhimbjen e familjeve që humbën të dashurit e tyre nën rrënoja e tërmetit më 26 tetor 2019.

Edhe diskoteka e njohur „Rinora4″ e Cyrihut ka mbledhur donacione nga të hyrat në këtë fundjavë. Në rrjetet sociale menagjerët e kësaj diskoteke kanë bërë të ditur se kanë dedikuar 15.875.00 franga për të prekurit e tërmetit në Shqipëri.

https://www.instagram.com/p/B5k74k0HFnU

 

 

 

---