Austri: Tubim solidarizues për të prekurit nga tërmeti, u mblodhën mijëra euro

Nga ky tubim u mblodhën 4130 €.

Diaspora nga Graza e Austrisë ka mbledhur 4130 euro donacione vetëm në një tubim për shqiptarët e prekur nga tërmeti në Shqipëri, transmeton albinfo.ch.

Tubimi është organizuar nga Shoqata e Mësuesëve Shqiptarë „Naim Frashëri në Austri“, në bashkëpunim dhe në bashkorganizim me Ministrinë e Diasporës dhe Investimeve Strategjike të Republikës së Kosovës, në Graz të Austrisë.

Në njërin nga projektet vjetore të saj, që paraprakisht ishte planifikuar të festohej 28 Nëntori, Dita e Flamuri dhe e Pavarësisë së Shqipërisë, për shkaqe tashmë të njohura ky organizim nga destinacini festiv, në shenjë solidareti me të gjithë ata që u prekën nga tërmeti shkatërrues që goditi një pjesë të Shqipërisë, e tëra kjo u shndërrua në një tubim solidariteti për të ndihmuar në një formë a tjetër ata që humbën më të dashurit e tyre, ata që përjetuan tmerrin lemeritës, apo edhe ata që pësuan dëme materiale.

Nga ky tubim, merita të jashtëzakonshme ka SHMSHA, e cila veç ndihmave materiale që arriti të tubojë nga vetë shoqata dhe bashkatdhetarët tanë (4130 €), arritën të tubojnë një numër bukur të madh të nxënësve, të cilët e begatuan fuqishëm programin me poezi të zgjedhura me tematika nga Festa e Nëntorit, e po këshu, edhe vjersha kushtuar tragjedisë kombëtare që u shkaktua nga tërmeti me pasoja katastrofale.  /Albinfo.ch.

---