Bernard Berisha mund ta vazhdojë kontratën me Akhmat Groznin

Ish-lojtari i Besës së Pejës dhe Skënderbeut ka fituar zemrat drejtuesve të klubit rus

Bernard Berisha do të vazhdojë të jetë pjesë e Akhmat Groznit edhe për tre vjet të tjera.

Ish-lojtari i Besës së Pejës dhe Skënderbeut ka fituar zemrat drejtuesve të klubit  rus, të cilët duan të vazhdojnë kontratën sërish me 28-vjeçarin.

Vetë drejtori i klubit të Akhmat Groznit, Akmet Aidarimov, konfirmon për mediat se lojtari i Kosovës dhe klubi rus kanë arritur marrëveshje paraprake për të rinovuar kontratën edhe për tre vjet të tjera.

‘’Në një të ardhme të afërt, kontrata me Bernard Berishën do të rinovohet. Kemi arritur një marrëveshje për të nënshkruar edhe për tre vjet”, ka thënë ai për Sport24.

Berisha është pjesë e kampionatit rus tash e tre vjet, duke luajtur fillimisht për Anzhin, pastaj për Akhmat Groznin, përcjell Albinfo.ch.

 

 

---