Gashi: Vjosa Osmani do të kalojë në Vetëvendosje

"Vjosa në të ardhmen e afërt do të kalojë në VV"

Së fundi, përfaqësuesi i Partisë Demokratike të Kosovës në KQZ, Ilir Gashi, në një postim ka parashikuar kalimin e Vjosa Osmanit nga Lidhja Demokratike e Kosovës në Lëvizjen Vetëvendosje.

Sipas tij, Osmani do të kalojë në Vetëvendosje pas dështimit potencial të një marrëveshjeje qeverisëse ndërmjet LDK-së dhe LVV-së.

Ky është postimi i tij i plotë në profilin e tij zyrtar:

“Nga perspektiva sot, të gjithëve u duket e pamundshme si mundësi dhe keni të drejtë! Por, nga këndëveshtrimi im, si vrojtues konsistent i zhvillimeve politike dhe partiake në Kosovë, Vjosa në të ardhmen e afërt do të kalojë në VV, si pasojë e pamundësisë së dorëzimit të LDK-së karshi VV-së, dhe pafuqisë së saj në raport me ‘ujqit e vjetër’ brenda LDK-së”, ka shkruar Gashi në Facebook.

Kujtojmë se Partia Demokratike e Kosovës për herë të parë pas më shumë se një dekade ka dalë e treta në zgjedhje dhe do të jetë opozitë në legjislaturën VII të Kuvendit të Kosovës, përcjell albinfo.ch.

---