Isa Mustafa deklarohet mbi procesin e bisedimeve me VV-në

Lideri i Lidhjes Demokratike të Kosovës, Isa Mustafa, ka thënë se procesi i bisedimeve me Vetëvendosjen po vazhdon.

“Meqenëse procesi i bisedimeve po vazhdon dhe, meqë ky proces nuk është i ngurtë, çdo ulje në tavolinë nënkupton mundësinë e një zgjidhjeje”.

Mustafa ka thënë se është e vështirë të gjendet zgjidhje nëse ato nuk ngurtësohen.

“Kjo ka qenë edhe arsyeja pse ne nuk kemi dhënë deklarata. Ne deri tash jemi pajtuar për shumë gjëra. Kanë mbetur edhe disa gjëra t’i diskutojmë edhe më tutje”, ka thënë Mustafa para gazetarëve pas takimit që ka pasur me kryetarët e degëve të LDK-së, shkruan insajderi, përcjell albinfo.ch.

“Ne po praktikojmë t’i njoftojmë kryetaret e degëve lidhur me ecurinë e bisedave që po zhvillojmë me Vetëvendosjen për koalicionin e mundshëm qeverisës”.

“Këtë po e bëjmë që të jemi transparent edhe para anëtarësisë sonë”.

---