Udhëtimi me tren: Zvicra, e para në Evropë

Njerëzit në Zvicër udhëtojnë me tren më shpesh sesa banorët e vendeve të tjera evropiane

Një raport nga Eurostat, Zyra e Statistikave të Evropës, tregon se banorët zviceranë udhëtuan me tren mesatarisht 71 herë më 2018, apo rreth 2.400 kilometra.

Kjo do të thotë se zviceranët janë udhëtarët më të shpeshtë hekurudhorë për banor në Evropë, duke tejkaluar Austrinë – të renditur në vendin e dytë – me afro 1.000 kilometra, shkruan The Local.

Banorët e fqinjëve të tjerë të Zvicrës, Franca dhe Gjermania, mbuluan përkatësisht 1,393 dhe 1,182 kilometra, përcjell albinfo.ch.Zvicra ka 5.200 kilometra linja kryesore hekurudhore dhe 1.000 km hekurudha malore.

Megjithë problemet e fundit me trenat me vonesë dhe të anuluar, Zvicra ka një sistem hekurudhor kryesisht efikas.Këtë muaj, ajo ka shtuar shërbime të reja në rrugët e saj ndërkombëtare për në Francë, Gjermani dhe Itali.

Udhëtimi me tren është i njohur në vendin alpin, edhe pse biletat janë ndër më të shtrenjtat në Evropë, përcjell tutje albinfo.ch.

Dhe ka një fakt interesant të shoqëruar me udhëtimin hekurudhor zviceran: me rreth 2,050 trena që kalojnë çdo ditë, derisa Cyrih-Altstetten është linja më e ngarkuar hekurudhore në botë, sipas shifrave zyrtare.

 

---