Banka gaboi për 37 milionë dollarë

Një grua në SHBA u bë multi-milionere, por u dëshpërua se ishte gabimi i bankës

Një grua mundi të shijojë të qenit milionere, pasi banka i kaloi gabimisht në llogari plot 37 milionë dollarë.

Kështu ka ndodhur me një grua nga Teksasi i SHBA-së, Ruth Balloon, përcjell albinfo.ch.

Megjithatë, kjo nuk zgjati shumë, sepse burri i saj kontaktoi me bankën dhe u detyrua të kthejë të gjitha paratë.

Balloon ka thënë se kishte hyrë te llogaria e saj për të parë gjendjen, pasi kishte dalë nga puna, dhe nuk u kishte besuar syve kur kishte parë 37 milionë dollarët në llogarinë e saj bankare.

Fillimisht shpresoi se ndoshta dikush i kishte falur para, ndaj pyeti bankën për ta verifikuar, por për fatin e saj të keq bëhej fjalë vetëm për një ngatërresë llogarie.

Banka është shprehur se ishte një gabim dhe nëse nuk do t’i kthente paratë vullnetarisht, atëherë do të merrnin masa ndaj saj.

---