Çifti kap kosovarin që kishte hyrë për vjedhje në shtëpinë e tyre

Policia ka arrestuar përkohësisht personin, i cili, pas identifikimit, doli të ishte shtetas kosovar, i moshës 32-vjeçare

Hajduti 32-vjeçar kishte bërë “hesapin pa hanxhiun” kur kishte vendosur të vidhte në shtëpinë e një çifti në Trimbach të Solothurnit. Të dy, burrë e grua, në natën në mes të dielës dhe të shtunës, pasi e kanë vënë re hajdutin, kanë arritur ta pengonin ikjen e tij, duke ia dorëzuar në fund policisë, shkruan sda.ch.

Policia ka arrestuar përkohësisht personin, i cili, pas identifikimit, doli të ishte shtetas kosovar, i moshës 32-vjeçare.

Çifti kishte dëgjuar rreth orës 2 të pasmesnatës zhurma të dyshimta në shtëpi, transmeton albinfo.ch. Pasi kanë shikuar më tutje, ata janë takuar me një burrë të panjohur, ka njoftuar të hënën Policia Kantonale e Solothurnit. Çifti ia ka dalë të pengojë ikjen e të dyshuarit për vjedhje dhe të alarmojë menjëherë policinë.

---