2 orë pritje për të dalë nga Kosova në Merdar

Mërgimtarët po presin mbi dy orë në Merdar

Është bërë e ditur se mërgimtarët kosovarë po përballen me pritje të gjata në pikëkalimin kufitar në Merdar dhe Qendra Kombëtare për Menaxhim Kufitar ka njoftuar se për të dalë nga Kosova përmes kësaj pike, atyre po iu duhet të presin 2 orë.

Sipas të dhënave të Qendrës Kombëtare për Menaxhim Kufitar, të publikuara sot në orën 08:00, në pikën e kalimit kufitar në Merdar po pritet deri në dy orë, kurse kolona e automjeteve është e gjatë rreth 700 metra.

Për dallim prej Merdares, në pikat e tjera kufitare hyrja dhe dalja mund të bëhet nga tre deri në 10 minuta.

Qendra Kombëtare për Menaxhim Kufitar gjithashtu bën të ditur se të gjitha rrugët janë të kalueshme. /Albinfo.ch.

---