Bie borë në Arabinë Saudite, në Londër çelin trëndafilat

Bora në shkretëtirë e veçantë, kjo ndodhi në Arabinë Saudite

Është bërë e ditur se Malet Madian, në veriperëndim të Arabisë Saudite, janë zbardhur nga dëbora, ndërsa në Zvicër këtë fundjavë nuk kishte asnjë fluskë bore, ndaj për garat e kupës së botës në ski u desh të përdorej borë artificiale.

E ajo se çfarë po ndodh në territorin e saudit nuk është një fenomen i jashtëzakonshëm, por mbetet gjithsesi mjaft i rrallë, transmeton albinfo.ch.

E gjitha kjo kthehet në një festë për të gjithë dhe në një magnet të vërtetë për turistët, që e shohin me mjaft kërshëri.

Thuhet se majat e këtyre maleve janë të mbuluara më borë në dimër, megjithatë shumë rrallë ndodh që ajo të zbresë deri në këmbët e tyre.

Duhet theksuar se një front i ftohtë që i ka bërë temperaturat të ulen ndjeshëm ka goditur kohët e fundit gadishullin ballkanik, Turqinë e Iranin.

Po ashtu, thuhet se ky i ftohtë ka mbërritur deri në zonat malore të Libanit dhe në gadishullin arabik, duke sjellë me vete stuhi e reshje dëbore, me rezultate befasuese, të cilat e kanë bërë në disa raste të jetë më ftohtë sesa në luginat alpine.

Por bora në shkretëtirë është ajo që bën më shumë të veçantë.

#WATCH: Parts of #SaudiArabia were blanketed by snow on Friday, especially in the northwestern regions such as the Dahr Mountains (Video: @alekhbariyatv)https://t.co/HCQWErHoR1 pic.twitter.com/g2pN8V7GRp

— Arab News (@arabnews) January 10, 2020

 

Nga ana tjetër, ekspertët thonë se anomalia e këtij fillimviti i detyrohet një vorbulle të fortë polare, e cila qendrën e ka pasur në Polin e Veriut, vetëm se kur qarkullon, ka lëvizje antiorare.

Për rrjedhojë në Europën Perëndimore, vendet nga Spanja deri në Britaninë e Madhe po shijojnë një mot të butë, madje në Londër, siç thotë Corriere della Sera, kanë nisur të çelin trëndafilat e parë. /Albinfo.ch.

 

https://www.facebook.com/severeweatherEU/photos/a.1423656947857402/2728888720667545/?type=3

---