Data 02.02.2020… Domethënia e numrave që lexohen njësoj, legjenda e lojëra shifrash

Fjalët që lexohen njësoj nga e majta në të djathtë dhe anasjelltas është një ndër lojërat gjuhësore më të vjetra në botë. Nuk bëjnë përjashtim edhe datat, por janë më të rralla.

Nesër do të jetë një prej tyre, 02.02.2020. Në 10.000 vjet, janë 366 data palindromike. I radhës do të jetë 29.02.2092.

Njerëzit shpesh janë besëtytë se në data të tilla të caktuara mund të ndodhë diçka e veçantë, e çuditshme, apo e tmerrshme. Por, deri tani, nuk rezulton të ketë ndodhur asgjë apokaliptike.

Sipas studiuesve, nuk kanë asnjë domethënie, janë thjesht data që rastisin të bien në këtë rend, asgjë më tepër. Për ta, njerëzit mund të argëtohen, të luajnë me shprehje ironike dhe interesante dhe mos ta vrasin shumë mendjen për gjëma të mëdha.