Dyshime për koronavirus, ndalohen dy turistë në doganë shqiptarë

Por,

Dy aziatikë janë ndaluar ditën e sotme në doganën e Muriqanit, në pjesën veriore të Shqipërisë. Ndalimi i tyre u bë pas dyshimeve se mund të ishin të infektuar me koronavirus.

Por pas kontrollit të bërë nga mjekët rezultoi se dy turistët aziatikë nuk ishin të infektuar.

Në këtë pikë doganore janë bërë tashmë gati edhe dhomat mjekësore me personel dhe mjetet e nevojshme.

Ndërsa personeli mjekësor në koordinim edhe policët e kufirit po kryejnë kontrolle të imtësishme të personave që hyjnë në Shqipëri nga Mali i Zi.

Edhe në Portin e Vlorës është ngritur një dhomë e posaçme për të verifikuar ndonjë rast të dyshuar me koronavirus.

Në të shërbejnë tre mjekë. Ndërsa mjeku infeksionit Neki Halilaj tregon se si koordinohen me strukturat portuale.

“Kemi biseduar me kapitenin e tragetit dhe ai përpara se të mbërrijë trageti në port, na njofton në bazë të listës së pasagjerëve që ka, se nga cilat vende vijnë ata, më tej izolohen dhe bëhen procedurat mjekësore dhe merren në pyetje”.

Gjithsesi edhe në Portin e Vlorës deri tani nuk ka hyrë asnjë shtetas me shenja të koronavirusit

---