Historike: Dy gra në krye të Kuvendit të Kosovës

Është hera e parë që një grua është zgjedhur kryetare e Kuvendit të Kosovës

Për herë të parë në histori të Republikës së Kosovës, dy gra do të udhëheqin punën dhe do të vendosin rendin e ditës në Kuvendin e Kosovës.

Vjosa Osmani është zgjedhur kryeparlamentare, pasi kjo pozitë u la e lirë kur Glauk Konjufca u zgjodh ministër i Punëve të Jashtme, shkruajnë mediat vendore.

Po ashtu, sot gjatë tërë ditës Kuvendin e udhëhoqi nënkryetarja e parë e Kuvendit, Arbërie Nagavci, përcjell albinfo.ch.

Tani këto të dyja do të jenë në krye të çdo seance të Kuvendit, përveç në raste të veçanta kur ndonjëra nga to do të mungojë.

Është hera e parë që në histori të vendit një grua e udhëheq Kuvendin.

---