Coronavirus: Dy shtetas zviceranë izolohen në karantinë në detin japonez

Keystone (AP Photo/Mark Schiefelbein)

Dy shtetas zviceranë janë bllokuar në kabinat e tyre në një anije lundrimi në Japoni, pasi dhjetë raste të koronavirusit u zbuluan në bord. Ambasada zvicerane në Tokio është në kontakt me autoritetet japoneze, shkruan Swissinfo.ch.

Zviceranët, prania e të cilit u konfirmua nga Ministria e Jashtme, po udhëtonin në një anije lundrimi që transportonte rreth 3.700 njerëz të dhjetëra kombësive të ndryshme.

Të martën, autoritetet japoneze zbuluan raste të mundshme të kontaminimit në anije, Diamond Princess. Anija kishte mbërritur të hënën në mbrëmje pranë portit të Yokohama, në jug-perëndim të Tokios. Në Hong Kong, një rast i koronavirusit u zbulua në një burrë 80-vjeçar, i cili më parë kishte qenë në bord.

Testet u kryen në tri grupe njerëzish në bordin e Diamond Princess: ata me simptoma të dyshimta, ata që ishin nisur gjatë ndalimit në Hong Kong, dhe ata që kishin qenë në kontakt me pasagjerin e infektuar.

Mostrat u morën nga 273 udhëtarë të anijes, u tha ministri japonez i Shëndetësisë, Katsunobu Kato, gazetarëve të mërkurën. Rezultatet e 31 prej këtyre mostrave janë aktualisht në dispozicion. Nga këto, dhjetë kanë testuar pozitive.

Dhjetë personat që testuan pozitivisht u nisën herët të mërkurën dhe menjëherë u shtruan në spital, tha Kato. Ato përfshijnë tre pasagjerë nga Japonia, dy nga Australia, tre nga Hong Kongu dhe një nga Shtetet e Bashkuara, si dhe një anëtar i ekuipazhit nga Filipinet, sipas kompanisë së lundrimit Princess Cruises.

Pjesa tjetër e pasagjerëve dhe anëtarëve të ekuipazhit u kërkohet të qëndrojnë në bord për rreth 14 ditë, shtoi ministri, duke theksuar se mjekët besojnë se periudha e inkubacionit për koronavirusin është dy javë.

Numri i vdekjeve nga koronavirus është rritur tani në afro 500, përcjell Albinfo.ch.